Dísirnar

Framfarir hjá BF

Bergdís Freyja krúttumús tekur miklum framförum þessa dagana. Hún er orðin frekar stöðug og dugleg að sitja sjálf. Hún dregur sig áfram af mikilli tækni og fór í fyrsta sinn upp á fjóra fætur föstudaginn 19. des sl. - Berglind vinkona okkar er vitni að því - mamman var bara að stússast í eldhúsinu þegar skvísan ákvað að sýna sig aðeins fyrir gestunum. Í seinustu viku reisti hún sig svo sjálf upp á hnén (kraup) í rúminu hennar Þórdísar Erlu og stóð einnig sjálf eftir að mamman reisti hana upp - Svaka dugleg. Hún er alltaf jafn góð og yndisleg - brosir bara og er sæt :) Þann 15. des sl. byrjaði hún að borða og fékk hún hirsigraut. Hún byrjaði á því að fá að borða á kvöldin en ca. viku seinna bættist svo hádegismatur við. Þetta gengur bara vel hjá okkur og samanstendur matseðillinn hingað til af hreinum hirsigraut, sætri kartöflu, banana eða grautar/kartöflu blöndu eða grautar/bananablöndu. Hún fær alltaf vatn með og drekkur það ýmist sjálf úr stútkönnu eða úr venjulegu glasi með smá hjálp og svo blessað brjóstið í önnur mál og stundum í eftirrétt ;)